Udhëzime të Përgjithshme

Informohuni në mënyrë të vazhdueshme nga radio dhe televizori për ecurinë e dukurive. Burimet zyrtare për informimin janë Sekretaria e Përgjithshme e Mbrojtjes Civile dhe Shërbimi Kombëtar Meteorologjik.
Në rast nevoje merrni në telefon Policinë (100), Shërbimin Zjarrfikës (199) ose Qendrën Kombëtare të Ndihmës së Shpejtë / EKAB (166) ose Numrin Evropian të Urgjencës (112).
Shkruani numrat e lartpërmendur të telefonave në një vend të dukshëm brenda në shtëpi dhe sigurohuni se i njohin edhe fëmijët tuaj, nëse mund t'i përdorin.
Ndihmoni fëmijët të mësojnë të dhëna të rëndësishme familjare, si p.sh. mbiemrin e tyre, adresën dhe telefonin e shtëpisë.
Shpjegojuni të gjithë pjesëtarëve të familjes si dhe kur të stakojnë korrentin, mbyllin gazin dhe linjën e ujësjellësit, si të përdorin zjarrfikësen, si të thërrasin për ndihmë etj.
Pajisuni me pajisje të ndihmës së shpejtë, si p.sh. kuti të ndihmës së shpejtë, zjarrfikëse, elektrik dore, bateri, radio portative etj.
Bëni kujdes të veçantë për fëmijët dhe për të moshuarit.

PAS KOHËS SË KEQE

Informohuni vazhdimisht nga radio dhe televizori për paralajmërime ose këshillime zyrtare.
Kontrolloni shtëpinë dhe pjesën tjetër të pronës, me qëllim që të regjistroni dëmet eventuale.

Në qoftë se do të udhëtoni

Informohuni për kohën dhe gjendjen e rrjetit rrugor.
Përgatituni, në varësi të destinacionit, për dukuritë e motit që mund të hasni (dëborë, ngricë, breshër, shi etj.).
Programoni lëvizjen tuaj në mënyrë që të mos përkojë me pikun e dukurive të motit.
Udhëtoni gjatë ditës, duke preferuar arteriet qendrore, duke evituar rrugët e vështira dhe të shkreta.
Informoni të gjithë të afërmit për itinerarin që synoni të ndiqni.
Mos shpërfillni udhëzimet e Sekretarisë së Përgjithshme të Mbrojtjes Civile, buletinet e motit dhe sugjerimet e autoriteteve, si p.sh. të Policisë Rrugore, të Autoritetit Portual, të Shërbimit Zjarrfikës etj.
Kontrolloni gjendjen e automjetit tuaj, para se të filloni cilëndo lëvizje.
Pajisni automjetin me të gjitha mjetet e domosdoshme për përballimin e dukurive të rënda natyrore (zinxhirë bore, solucione antifrizë, çadra, mushama, çizme gome, elektrik dore, kuti të ndihmës së shpejtë etj).
Në qoftë se është e domosdoshme të udhëtoni me këmbë, vishni rroba dhe këpucë të përshtatshme.
Bëni kujdes kur ecni, që të mos plagoseni, për shkak të rrëshqitshmërisë së rrugës dhe të trotuareve, ose për shkak të rënies së objekteve nga era shumë e fortë ose nga rënia e breshrit.
Preferoni mjetet e transportit publik.
Ruani qetësinë dhe durimin. Paniku vështirëson gjendjen.
Lehtësojuni punën autoriteteve.